කොරෝනා අවදානම නැති ප්රදේශවල සීමා ඉවතට
කොවිඩ් – 19 වසංගතය හෙවත් කොරෝනා වෛරසය රට තුළ ව්යාප්තිය පාලනය කරනු පිණිස රජය ක්රියාත්මක කළ වැඩසටහනේ ප්රගතිය සමාලෝචනය කොට ඉදිරි පියවර තීරණය කිරීම සඳහා වූ සාකච්ජාවක් ජනාධිපති ගෝඨාභය රාජපක්ෂ මැතිතුමාගේ ප්රධානත්වයෙන් (04) ජනාධිපති කාර්යාලයේදී පැවැත්විණ.
රජයේ වෛද්ය නිළධාරීන්ගේ සංගමයේ සභාපති වෛද්ය අනුරුද්ධ පාදෙණිය මහතා වෛරසයේ භූගෝලීය ව්යාප්තිය සහ එය පාලනය කරනු පිණිස රජය ගත් ක්රියාමාර්ග වල ප්රගතිය පැහැදිලි කළේය. රට තුළ වෛරසයේ ව්යාප්තිය හඳුනාගත් මුල් අවස්ථාවේම ජනාධිපතිතුමා ප්රමුඛ රජය ගත් කඩිනම් ක්රියාමාර්ග නිසා මේ සෞඛ්ය ගැටලුව පාලනයෙන් ගිලිහී යා නොදී කළමනාකරණය කිරීමට හැකි වූ බව අනතුරුව සිදු වූ අදහස් හුවමාරුවේදී ප්රකාශ කෙරිණ.
