කොරෝනා නිසා කළුබෝවිල හා මීගමුව රෝහල් වාට්ටු වසා දමයි

කළුබෝවිල ශික්ෂණ රෝහලේ 05 වාට්ටුවේ රෝගීන් හා කාර්ය මණ්ඩලය නිරෝධායනයට ලක් කිරීමට කටයුතු කර තිබේ. එම රෝහල් වාට්ටුවේ සිටි රෝගියෙකුට කොරෝනා වෛරසය ආසාදනය වී තිබු බව හෙළි වීමෙන් පසු මෙම තීන්දුව ගෙන ඇත.

එමෙන්ම මීගමුව රෝහලේ 20 වාට්ටුවේද සේවකයන් සහ රෝගීන් නිරෝධායනයට යොමු කර තිබේ. එම රෝහලේද කොරෝනා ආසාදිතයෙකු හමුවූ නිසා මෙම තීරණය ගෙන ඇත. මීගමුව රෝහලෙන් හමුවූ රෝගියා  ඊයේ පස්වරුවේ මරණයට පත්විය.